Дене шынықтыру мұғалімдердің қалалық онлайн-семинары
27.11.2020 жылы «№ 20 жалпы орта білім беретін дамыта оқыту мектебі» КММ қаланың дене шынықтыру мұғалімдеріне кезекті онлайн-семинар өткізілді. Семинардың тақырыбы бүгінгі күннің өзекті мәселесі «Қашықтықтан оқытудың дене шынықтыру сабағындағы жұмыс істеу түрлері» тақырыбы бойынша өткізілді. Онлайн-семинардың мақсаттары келесідей болды:
ДШ мұғалімдерін келесі ақпараттармен таныстыру
- «№20 жалпы орта білім беретін дамыта оқыту мектебі» КММ дене шынықтыру сабақтары мен сыныптан тыс іс-шараларын ұйымдастыруға арналған материалдық-техникалық базасымен және мұғалімдер құрамымен;
- «Влияние занятий спортом на развитие личностных предпосылок устойчивости к стрессу в подростковом возрасте» тақырыбында психологтың баяндамасының мазмұнымен;
Теория мен тәжірибеде қашықтықта оқытудың мәселелерін зерделеу: дене шынықтыру сабағында қашықтық оқытуда пайдаланатын жұмыс түрлерімен таныстыру.
Дене шынықтыру мұғалімдері Тлеубалин Ж.Ж., Маметов Р.М., Чувакин В.О. карантин кезіндегі өздерінің тәжірибесіндегі өткізілетін дене шынықтыру сабақтарының және сыныптан тыс іс-шараларының ұйымдастыру жұмыстарының түрлерімен бөлісті, теориялық білім беру және оны практика жүзінде АҚТ пайдалану арқылы қалай жүзеге асыруға болатынын көрсетті.
Семинарға қатысушылар дайындықты және баяндамалардың мазмұндылығын атап өтті.
